كفي الاعضاء

موضوع: كفي الاعضاء 2011-08-10, 00:16

السلام عليكم ورحمة الله وبركاتة

كيف حال جميع اعضاء المنتدي

كل عام وانتم بألف خير

خطرت في بالى فكرة هذا الموضوع وحبيت ان اعرضها عليكم اذا اعجبتكم نبدأ بها ونتعلم معا بعضنا

الفكره هي التحدث بالهجة الدارجة للمدينة التي انت بها affraid

يعني بالعربي كل شخص يتحدث في هذا الموضوع بالهجة الدارجة عندهم

هكذا يستفيد كل الاعضاء ونتعلم لجهات بعضنا

هههه حتى اذا سافر اي عضو من منتدنا الى دولة العضو الاخر لا يجد اي صعوبه ^-*

وفي هذا الموضوع سنتحدث في اي شي

بالعربي مثل الدردشة lol!

ما رأيكم

................................

ليبيا قلــــ

ـــــب واحد

شاهد موضوع كفي الاعضاء انقر هنا

موضوع: رد: كفي الاعضاء 2011-08-10, 13:42

موافقة على العموم انا لهجتى مصرية

موضوع: رد: كفي الاعضاء 2011-08-10, 16:03

اوكي هيا انا نبي نبدا من توا هيا سوسو لوفر افتحوا موضوع خلينا انهدرزوا فيه شويا

ولي عندا كلمة قلتها مفهمهش ايقولي توا انترجملا انا ولا اي حد ليبي امعانا اوكي

................................

موضوع: رد: كفي الاعضاء 2011-08-10, 16:03

مرحبا انمي لوفر,
فكره ممتازه جدا وستحدث نشاط كبير في المنتدى ان شاء الله

طبعا نا لهجتي ليبيه شرقاويه

موضوع: رد: كفي الاعضاء 2011-08-10, 16:06

اهلا هلال

تعرف الدوا الدرناوية غير الشرق كلها والله فيها لكنة خطيرة بكل مرة مشيت درنة كانت رحلة سياحية للشرق

وسمعت اللكنة امتاعتكم مميزة بكل والله بجد انت عمرك زرت بنغازي؟؟

................................

موضوع: رد: كفي الاعضاء 2011-08-10, 16:49

ههههههه تصدقي كلهم يقولو هكي,
وصدقتي فيها لكنه سمحه بكل
وهي لكنه سكان الوادي وسكان المدينه تخلطن مع بعضهن
فتكونت اللكنه الدرناويه
كما تعرفي فدرنه فيها وادي كبير هو تلى الشلال
وفيه ناس واجد تسكن هنك,وانا نسكن في مكان مش بعيد منهم يعني
:::::::::::::::::

واكيده زرت بنغازي وقعدت فيها عطلة نص السنه كلها يعني 15 يوم,عند اقاربي
بس عارفه هذه كانت من زمان بكل, يعني تقريبا وانا عمري 8 سنين,

في الوقت هذك ماقدرتش نختلط بأطفال اخره,لان اول مره انجيه المكان هضا
بس عارف حاجه اكثر حاجات شدت انتباهي فيكم ياعرب بنغازي
انكم كريمين,طبعا طيبين,محترمين وكلكم ذوق والله
وان شاء الله قريبا عندي زياره لبنغازي في خاطري انحقها في شنو شكلها في الثوره
انا اصلا مليت من شوفتها في التلفزيون نبي نحقها طبيعي! ^___^

موضوع: رد: كفي الاعضاء 2011-08-10, 17:48

طيب مافيش حد مصرى فى المنتدى انا صحيح الاولى فى العربى الا انى مش فاهمة ليبى ماشى شوية شوية وهاتعلم وافهم بس الفكرة عجبتنى اوى شكرا لوفر

موضوع: رد: كفي الاعضاء 2011-08-10, 22:01

منورين بكل ع الردود

سوسو ان شاء الله تو تنسجمي معانا وتو نعلموك اللهجة الليبية الصح بكل

بالنسبه للهجة عرب درنة بجد زي ما قالت سارة انا لاحضتها منفرده بروحها من بين المدن والقرى الشرقية فيها ميزة ,وسمحة بكل ديما بعد نمشي لدرنه نحاول ان نسمع دوتهم ^^ , زرتها اكثر من مره بجد روعه ,وفيها سفينه قاعده في البحر من زمان في نفس المكان ,مدايره جو بعد حد ينزل على درنه تلفت انتباها .
وزرت شلال درنه وصورت بحداه ^-* , ومننسش طبعا خدينا من مطعم ابناء الحصادي وجبه مش عادية ,المطعم هدا فيه منا فرع حتا في البيضه .
بما ان هلال من درنه معناها نحن محظوظين
خلاص علمنا دوتكم

وان شاء الله تزور بنغازي قريبا ,توا احلا من زمان راه , لان بنغازي توا اتنسم فيها انسام الحرية ,مش زي قبل هههه منخنقه .

بالنسبه ليا انا اصلا من الشرق يعني قبيلتي من الشرق مش من بنغازي , عشت طفولتي في مدينة طرابلس ,قعدت في طرابلس حوالي سبع سنوات ,وبعدين انتقلنا لبنغازي واستقرينا فيها في بداية حيتنا في بنغازي كانا نحكو كلمات من الغرب واجد ,بس بعد كبرت في بنغازي وقريت فيها قعدت لهجتي بنغازية صرف .

................................

ليبيا قلــــ

ـــــب واحد

شاهد موضوع كفي الاعضاء انقر هنا

موضوع: رد: كفي الاعضاء 2011-08-11, 00:24

اها والله معلومة اول مرة نسمعها ممتاز بكل اها اها ولو نعرفا الشلال خياااااااااااااااااالي بكل والله خطرت عليا

ايام يلي عدينالا كانت الصيف يلي فات وجو حلو بكل كان والله جاتني نية انعدي توا ههههه اكيد جوها حلو في رمضان توا وااااو تسكن احدا الشلال اكيد كل يوم تمشيلا الله ياعوينك يا هلال .....هيا هيا توا انخليهم ايلموا ارواحهم وهيا بنعدي انا خلاص انغيروا جو شويا ههههههههههه

اووووهوووووو 15 يوم ماشاء الله بس من زماااااان بكل صح والله توا بنغازي متغيرا بكل خاصتا بعد الثورة الشوارع كلهن امزينات بالعلم والناس رايقة اكتر وتضحك وحمالات نضافة بستمرار وجو ايجنن بكل راه لا ايفوتك والله
والله هضا واجبنا والله وهضا من لطفك وكرم اخلاقك هلال شكرا وااااجد ...و انتوا اهل الكرم والجود يااهل درنة ويعني ناس مريحين واتحبوا اتساعدوا بكل اصلا انا تقرا امعايا بنت في الفصل من درنة طيوووووووبة بكل والله ولما زرت درنة حسيت روحي في مدينتي الثانية من ناسها وهلها .....خلاص معناها دابينك مليت من شوفتها على لــــtv تعال سادك متفريج هههههههههههههههه

................................

موضوع: رد: كفي الاعضاء 2011-08-11, 13:48

هههههه باهي والله, ماكنتش نحسابها مميزه للدرجه هذه انا
اها صحيح صدقتي في سفينه اثريه مش عارف كم لها سنه
قاعده بس تقريبا حركوها من مكانها في الثوره,
وطبعا مافي خير من الشلال في درنه, عارفه والله
احسن جو في الشلال في شهر رمضان كما قلتي ياليون
يقعد جوه غريب يشدك له
امس كنت نقدر نمشي لكن ماجتش نيه والله

وبمناسبة المطعم هذا صح نعرفه من اشهر مطاعم درنه راهو وصح في فرع في البيضاء وسمعت انهم كانو بيفتحو واحد في بنغازي والمرج....لكن اكيد اشاعات ههه

اما بالنسبه لبعد الشلال عني تقريبا حاولي 3 كيلومتر تقريبا يعني,
انا وبعض من جماعتي نمشوله على دراجات مرات يعني رياضه لعند الشلال

وااااو ما شاء الله عندنا عضوه من طرابلس معانا,
ههههه بالنسبه لي انا شرقاوي مسكر بس عارفه عئلتي يقولو قبيلتها
من تاجوراء يعني تاجوري انا في الاصل ^_^

والله عارفه ياليون احسن جو للشلال في الوقت هذا مايتعوض بكل,
تبيلي مشيه انا شكلي حنمشي اليوم لانكم سهفتوني
خخخخ
العفو ياليون وانا ماقلت الا الحقيقه والله, انتو ناس غريبين فعلا مشفتش احن ولا اطيب منكم
وشكرا لك على رأيك الرائع وهذا من ذوقك طبعا ^_^

ههههههه وان شاء الله قريبا تو انزورها مدينتي الثانيه ^_^

موضوع: رد: كفي الاعضاء 2011-08-11, 13:57

يعنى هاتعلم الهجة اليبية bokaa

موضوع: رد: كفي الاعضاء 2011-08-11, 19:09

اووووووووووووولااااااااااااااا هلال واخرى تبي تمشي بالبشكليطا على حد علمي انتوا اتقولولها *شكليطا*صح

ولا انا نرفس هههههههههههه انا غالي عليا نلعب بيها ديما ناخد فيها من خويا اصغير بس انحب اكتر نلعب

بالسكيت وانت تلعب بيه اتحس روحك طاااااااااااااااااااااااااااااااااير له له له خلاص هي انكمل مساهمتي واني

جايتكم باهي اسمع لما اتعدي بليز صورا لياااااا بليز اوكي انا عندي منا صورة لما عديتلا المرة يلي فاتت بس

نبي صورة طازة ههههههههههههههه اها صار من تاجورا اه اصلا حتى ماما من تواجير درنة بس تسكن من زمان
في بنغازي يعني على ما اضن جد جدها ولا هوا بات جدها جا هنا وبعدها استقرت عائلتها كلها هن في بنغازي حكيتلي ع القصة امتاعت تاجورا ودرنة واااجد طلعنا نقربوا البعضنا يا ولد الخال ههههههههههه

لا لا اشاعة هههههه والله انا تعرف شن سمعت انا يبي يفتح فرع في اطرابلس ههههههههههههه

والله الليبين جو اشاعات خطير بكل ....العفو والله انا والله ماقلت الا يلي شفتا بجد ماشاء الله عليكم

واهلا بيك وبأهل درنة كلهم في اي وقت وبنغازي حتنور بيكم يااهل الخير .....

------------------------

سوسو يلا طب عليمينا شوي نحكو مصري

................................

موضوع: رد: كفي الاعضاء 2011-08-11, 19:20

اوكى هاعلمكم معنى لم افهم اى كلمة مما قالتها سارة يلا هاعطيكم جملة تباهى انا بنت امورة دايما انا شطورة احلى منكم كلكم ومن اصحابى كلهم ممكن اكون متباهية ومغرورة بس انا شطورة وحلوة و امورة Twisted Evil

موضوع: رد: كفي الاعضاء 2011-08-11, 19:26

هههههههههههههههههه جلوه يا سوسو بجد انتي جمدا اوي يا سوسو

-------------

هههههههههه ياهووو ياليبين من يعرف يحكي مصري صرف انا منعرفش بكل شوية كلمات بس من بنت نعرفها مصرية هههههههههه

................................

موضوع: رد: كفي الاعضاء 2011-08-11, 19:28

[color:44a9=redهههههههههه]